Ngimmato iti bilang dagiti nagparehistro ti baro a negosyo ita a bulan ti Enero.
Segun ti Department of Trade and Industry (DTI), pakabuklan a 251,168 business names iti nairehistro.
Nangatngato daytoy no idilig ti 236,105 a nailista iti kapada a bulan idi napalabas a tawen.
Agarup 79 a porsiento kadagitoy ket new registration bayat a dagiti nabatbati ket renewals.
Kaaduan kadagiti negosio a nairehistro ket adda iti wholesale ken retail sector a sinaruno ti food sector.
Maragsakan ti DTI iti nadakamat a numero gapu ta mangipakpakita daytoy ti positibo a panagrang-ay iti ekonomiya ti pagilian.###
