Impaganetget ni Department of the Interior and Local Government Secretary Jonvic Remulla nga ituloy da latta ti kaso kontra ti Russian vlogger a ni Vitaly Zdorovetskiy.
Kinuna ti sekretaryo a nagsurat kenkuana ti Russian vlogger kabayatan ti kaadda na ti uneg ti kulongan ken impadanon na ti panagpakaasi na a maiatrasen ti kaso.
Nakalanad pay ti surat a a nakapadas daito ti mental health issues isu nasken a mawayawayaan isunan. Kinuna met ni Remulla a saan a palagpasen ti inaramid ti Russian vlogger.
Innayon na nga inton sumaganad a lawas ket pilaan dan ti kaso nga unjust vexation kontra kenni Zdorovetskiy gapo ti panagharras kadagiti tallo a security guards. Ginandat pay ti abogado ni Zdorovetskiy nga iareglo dagiti nangidarom a security guards.
Sakbaya ket immuna metten nga imbasura ti Prosecutors’ Office ti Taguig ti kaso nga theft gapo ti kaawan ti umdas nga ebidensiya ken ti makitkita da laeng a kaso ket ti unjust vexation.
Naidarom ti Russian vloggers gapo ti panagbastos na kadagiti guwardiya ti mall ken sumagmamano nga establishimento.
Uray ni Presidente Ferdinand Marcos Junior ket saan a nakaragsakan ti inaramid ti Russian vlogger ken pinaregta na dagiti otoridad a kasoan da dagitoy.
