Nagkaykaysa nga impeksa ti League of Cities of the Philippines (LCP) ti panagsuporta da kenni Presidente Ferdinand Marcos Junior mainaig iti direktiba na nga amin a proyekto a pinodoan ti national government ket nasken a dumalan pay kadagiti local government unit (LGUs) sakbay a maipatungpal.
Segun kenni LCP President ken agdama a San Juan City Mayor Francis Zamora, ti waragawag ti Presidente ket nalawag a panangipeksa na ti talek iti kabaelan ken kapasidad dagiti lokal a gobierno nga imaton dagiti masakopan da a proyekto.
Mamati iti liga a babaen iti kastoy a wagas ket agbalinen nga epektibo ken episyente ti panangipatungpal ti tunggal proyekto kadagiti lokalidad kasta met a nasaysayaat tupayen ti kaledad dagitoy.
Impasiguro da met iti gobierno-nasyonal a makibinnulig da ken agbalin nga aktibo iti panagbantay kadagiti proyekto a pinondoan ti gobierno tapno masiguro a makastrek dagitoy iti standards.
Daitoy a panagkaykaysa ket mangipakpakita iti responsable a panangusar iti pondo ti pagilian ken makaliklik pay ti animan a klase ti korapsyon kasta met a papigsaen na pay ti talek iti publiko iti gobierno.
