Pinasingkedan ni Bise Presidente Sara Duterte a nabuo’n ti legal team a mangidepensa kenni ama na iti International Criminal Court (ICC).
Iti panagsango na kadagiti media ken reporters iti ruar ti ICC sadiay The Hague, Netherland ket kinuna ti Bise Presidente a nakapatang nan ti sigud a presidente ken ti maysa kadagiti abogado daitoy.
Kinunana a naisubmitir na metten iti legal team ti kauddian a dokumento manipud ICC Detention Unit.
Mainayon iti dayta ket nalpas metten dagiti agbalin nga akem ti tunggal abogado a mangidepensa ti kaso.
Segun kenni VP Sara, nalpasen iti trabaho na isu ta mabalin nan ti agawid ditoy Pilipinas.
Gapo ta agawid isunan, sumublat met ita ket ti kabsat na a ni Congressman Paolo Duterte.
