Legend itan nu ar-arigen ti tambalan a Jo-Mar wenno Jolina Magdangal ken Marvin Agustin kas nalatak a klasik love team ditoy Pilipinas idi 90’s.
Isu ket maysa a nostalgic experience ti narikna dagiti fans kalpasan ti anunsyo nga agkadwa manen dagiti artista iti pelikula nga ‘Ex Ex Lovers’.
Maysa a banag a nangpapintas ti partnership iti dua ket ti kinaagpayso na nga awanan da ti romantiko a relasyon ti pudno a biag.
Matulungan daitoy iti onscreen romance nga agpaot isu nga agtultuloy iti makilkilig dagiti fans da.
Nu addaan da ti romantiko a relasyon ti pudpudno a biag, posible a saan nga agbayag ti panagkadwa da. Ti kinaagpayso met nga aggayyem da latta iti pudno a biag ti lalo pay a nangpapigsa iti onscreen chemistry iti dua.
Iti ‘Ex Ex Lovers’, ket directed by JP Habac; daitoy ket pagsarmingan ti maysa a kaso ti diborsio. Ti setting ti pelikula ket idiay pagilian a Malta – maysa kadagiti kauddian a pagilian a naglukat iti linteg a mangipalubos iti diborsio.
