Kinumpirma ni Japanese Chief Cabinet Secretary Yoshimasa Hayashi a nasaripatpatan ti kabaybayan da ti Liaoning aircraft carrier ti China.
Ti Lionning carrier ket napakadwaan pay dagiti sumagmamano a barko a dumalyasat ti exlusice economic zone (EEZ) ti Japan asideg ti Minamitorishima, maysa nga adayo nga isla iti Abagatan-a-paset ti Iwo Jima. Napaliiw pay ti kaadda dagiti fighter jets ken helicopters a nakapalikmut ti Liaoning.
Gapo daitoy ket imbatad ni Hayashi a nasken a papigsaen ti Japan ti surveillance da ken agtultuloy nga agsukimat ti impormasyon mainaig ti turturongen ti fleet ti China. Nangipatulod met ti gobierno ti Japan idiay China ti mensahe seknan ti nasao nga insidente.
Iti sabali a bangir, impaganetget ti Ministry of Foreign Affairs ti China a naglayag ti Lioning a maiyanurrot ti international law ken innayon da nga adda iti bukod a national defence policy ti pagilian da.
