Inyusawat ti administrasyon Marcos ti programa a Clinics for Learners’ Access to School-health Services Plus initiative (CLASS+) tapno mangipaay ti libre a serbisyo medikal kadagiti pampubliko a pagadalan babaen ti tulong ti Department of Education, Department of Health, ken PhilHealth.
Iti umuna paylaeng a lawas ti klase ket nasurok 400 nga estudyante ken mannursuro idiay Esteban Abada Elementary Schoolti nagnumar iti libre a konsultasyon ken laboratory tests. Panggep daitoy nga inisyatiba a pagbalinen kas access point dagiti school clinics para ti libre a check-ups, agas, ken health counseling usar iti PhilHealth Konsulta Package.
Kagiddan na met iti Learners’ Health Assessment and Screening (LHAS) program ti DepEd, nu sadino ket maipasidong ti physical, dental, nutritional, ken mental health screening dagiti amin nga estudyante manipud Kindergarten agingga Grade 12.
Mangrugi iti general health exams inton Hulyo ken mental health assessments met ket manipud Agosto agingga Disyembre usar dagiti maiyannatop a tools para kadagiti agtutubo. Tarigagay ti gobierno a mapapigsa ti serbisyo pangsalun-at kadagiti pagadalan babaen ti baro a School Health Package a maibasar kadagiti datos dagiti panagadal.
