LA UNION – Mangipapaay ti “libreng sakay” para iti visita iglesia ti Sanggunian Panglungsod para kadagiti deboto a katoliko ditoy syudad ti San Fernando.
Maibasar iti impormasyon manipud iti konseho syudad, iti “libreng sakay” ket mangrugi iti oras ti alas 7:00 agingga alas 10:00 ti bigat ken manipud alas 3:00 ti malem agingga alas 7:00 ti rabii.
Iti ruta daytoy ket mangrugi iti sango ti St. William The Hermit Cathedral, agrikos iti amin a Simbaan Katolika ditoy syudad, ken agsubli iti nasao met laeng a simbaan.
Daytoy ket maysa laeng kadagiti aktibidad ti syudad a paset iti pananglagip ti Semana Santa.
