Nakabalod ita ti maysa a local rapper nga nag-post ti video iti Facebook (FB) page na kabayatan nga daytoy ket agsussusop ti marijuana iti syudad ti San Fernando, La Union.
Nabigbig iti suspek a ni Jay-r Angeles Villanueva wenno am-ammo kas Hitler Paos, 25, residente ti Barangay Carlatan iti syudad.
Nakompiska dagiti tauhan ti San Fernando City Police ken Philippine Drug Enforcement Agency iti naisayangkat a buy-bust operation ti lima nga sachet ti mapagatapan a marijuan iti saan pay nga ammo a timbang ken gatad, karaman ti maysa cal .22 a paltog.
Nabisto ti suspek iti iligal nga aramid na kalpasan daytoy a nag-post ti bukod na a video iti social media kabayatan a nasaragsak nga agsussusop ti marijuana iti igid ti kalsada.
Arigna na ipagpanakel na iti panangtaripato iti maipawil nga agas kadagiti iwarwaras nga ladawan ni Villanueva iti FB page daytoy.
Kabayatan na, naglibakan daytoy ti suspek a kukuan na dagiti naala a droga manipud kenkuana.
Ngem inaklon na nga isuna ni Villanueva nga adda iti video a mapagsasaritaan nga agsussusop ti marijuana.
