Inyanunsiyo ni Department of Science and Technology (DOST) Secretary Renato Solidum nga available itan ditoy pagilian ti Tuslob Rapid DNA Extraction Kit ken VIPtec ASFV Real-time PCR Detection.
Ti inobasyon ket maysa a proactive measure iti on-site diagnostics a maus-usar kadagiti slaughterhouse, barangay centers, ken animal checkpoints a nabukel babaen ti DOST-funded Virology and Vaccine Research Program.
Manipud iti deliberasyon ti House Committee on Appropriations para ti pondo ti DOST, kumiddaw ti update ni AGAP Party-list Representative Nicanor Briones iti nasao a proyekto, nangruna kunana ta dumanon ti nasurok ₱200-B ti pakabuklan a perdisyon ti ASF iti sekto ti panagtaraken ti baboy.
Innayon ni Solidum, maysa a balik-scientist nga agdama ket nakabase idiay Estados Unidos, ti mangidadaulo tai panagbukel ti bakuna kontra African Swine Fever (ASF).
Innayon na a nadakamaten ti genome sequence ti ASF virus ken ti agdama ket palpalpasen laengen iti partnerda ti pasilidad a mausar tapno mairugin ti produksyon dagiti bakuna.
Imbatad pay ti sekretaryo ti Department of Science and Technology (DOST) a mabalinen nga usaren ti Pilipinas ti Tuslob Rapid DNA Extraction Kit ken ti VIPtec ASFV Real-time PCR Detection kit.
Dagitoy a kabaroan a teknolohiya ket napateg nga addang para ti naparpartak a ken epektibo a panangdakamat kadagiti sakit ti ayup.
