LA UNION – Natay ti maysa a lola kalpasan a tinagtagbat ti bukodna a kaanakan idiay Barangay Balbalayang, ili ti San Gabriel, La Union.
Ti biktima ket nabigbig a ni Adelaina Papat-iw, 60-anyos bayat a ti suspek ket ni Rick Papat-iw, 39-anyos.
Immuna iti daytoy, naamuan a nagturong ni Rick iti balay ni Adelaina tapno agdawat iti kuarta ngem gapu ta awan ti maited ti biktima, kellaat a nakarurod ti baro agingga a tinagtagbatna iti namin-adu a daras ti baket.
Dagus a naitaray iti pagagasan ni Adelaina ngem saanen a naispal pay dagiti doktor ti biagna.
Kabayatanna, sumangsango metten iti kaskenan a kaso ti suspek nga ita ket tengngel dagiti otoridad.
Maipagarup a saan a nakainom ti suspek idi napasamak ti pannagbat.
