BR LA UNION – Nangisayangkat ti raid iti National Bureau of Investigation (NBI) iti maysa nga scam hub nga agop-operate iti maysa a condominium idiay Makati City idi kalman, Martes.
Naaktuan mismo ni NBI Director Jaime Santiago iti panagusar ti AI tapno maka-allilaw iti biktima.
Naarestar iti nasao nga operasyon iti nasurok 100 a Pinoy ken maysa a Chinese a makunkuna a supervisor dagiti empleyado.
Na-monitor ti NBI iti modus operandi dagiti scammer gapu iti panagadu dagiti mabikbiktima ita a “love month of February.”
Iti maipagarop nga estilo dagitoy ket agaramid da iti pang-babae nga image ngem ti kinapudno na ket lalaki dagitoy nga scammer tapno makabiktima da kadagiti agsap-sapol ti ka-date na.
Uray ni NBI Dir. Santiago ket napaspas a naiyaramidan da ti female version ken mas advance pay daytoy nu ikumpara kadagiti sigud nga editing application.
Mamati iti ahensya nga adu pay a kapada a modus ti mapas-pasamak iti dadduma a paset ti pagilian.
Agtutuon a kaso iti sangwen dagiti adda iti likod ti nasao nga scam hub.
