Nagtignay ti Philippine National Police (PNP) a saanen a kasapulan pay ti loyalty check iti hanay dagiti pulis ti intero a Pilipinas, laksid dagiti damag iti mapapati a military-backed People Power.
Segun kenni PNP Spokesperson Randulf Tuaño, agtaltalinaed a napudno iti Konstitusyon ti sibubukel nga organisasyon babaen ti liderato ni PNP Chief Jose Melencio Nartatez Jr. kasta met ti panangipaganetget na a dagit pulis ket nakapamaysa iti sinapataan a mandato a kas mangipatpatungpal iti linteg.
Inlawlawag pay ti PNP a saan da a makipaspaset ti aniaman a problema politika ken lumiklik kadagiti adda pakainaiganda kadagiti personalidad wenno politikal a grupo.
Kabayatanna, awan met ti namonitor a mapagduduaan a garaw manipud kadagiti retirado nga opisyales ti militar seknan ti isyu isu nga iti agdama ket awan pay iti maibaga a pangta iti siguridad.
