BR LA UNION – Agarop alas 2:00 itay malem, Abril 30, 2025, napukawen iti Low Pressure Area (LPA) a banbantayan ti PAGASA.
Iti kauddian a weather forecast ti DOST-PAGASA, awan iti na-monitor da a tropical cyclone formation.
Kabayatanna, iti Intertropical Convergence Zone (ITCZ) ket namnamaen a mangigubway latta ti nakuyem ken natudo a panawen idiay ken Mindanao agingga inton bigat.
Idinto a ti Easterlies a posible a mangigubway ti nadagaang a panawen ti mangapektar iti nabatbati a paset ti pagilian.
Nupay kasta, imballaag ti weather bureau a posible ti panagtudo iti malem ken rabii kadagiti lugar nga apektaran ti Easterlies gaputi panagraira ti localized thunderstorms.
