LA UNION – Napagsasaritaan iti naangay a komperensya ti La Union Police Provincial Office (LUPPO) ti plano a maipakat kadagiti naduma-duma nga ili ti probinsya a La Union kabayatan ti Paskua.
Kinuna ni C/Ins. Silverio Ordinado Jr., tagapagsarita ti LUPPO, karaman kadagiti bantayan iti pulisya ket iti merkado publiko.
Malaksid iti panangipaay ti seguridad kadagiti tattao kontra kadagiti managgundaway, siputanda a kaddua dagiti dadduma pay nga ahensya ti gobyerno dagiti tagilako ti merkado tapno maipanamnama a natalged dagitoy wenno saan a kabilang kadagiti makunkuna a sub-standard.
Innayon pay ni Ordinado, namnamaen iti presensya ti pulisya kadagiti pampubliko a lugar ita a panawen ti Paskua.
