BR LA UNION – Dinayyeg ti 5.2 magnitude a gingined ti ili a Luna, La Union agarop alas 10:36 ti bigat, Mayo 24, 2025.
Maibasar iti Earthquake Information No. 2 ti PHIVOLCS, nailista ti gingined iti kaadayu a 36 kilometro amianan-a-laud ti Luna, La Union.
Aguneg ti 17 a kilometro ken tectonic in origin.
Dadduma pay a lugar a nakarikna ti panagdayyeg:
Intensity IV – Luna, Bangar, San Juan, City of San Fernando, ken Bacnotan, La Union; Baguio City; Vigan City, Ilocos Sur
Intensity III – Bauang, La Union; Batac City, San Nicolas, ken Pinili, Ilocos Norte; Itogon, Kabayan, Mankayan, Sablan, Tuba, ken Kapangan, Benguet; Dagupan City; Alaminos City, Pangasinan
Intensity II- Kiangan, Ifugao; Buguias ken Kibungan, Benguet
Instrumental Intensities:
Intensity IV – Candon City ken Vigan City, Ilocos Sur
Intensity III – Sinait, Ilocos Sur; San Nicolas ken Batac City, Ilocos Norte
Intensity II – Bangued, Abra; Tagudin, Ilocos Sur; San Fernando City ken Aringay, La Union; Bani, Infanta, ken Bolinao, Pangasinan
Intensity I – Baguio City
Iti kauddian nga update, nakailista ti Phivolcs ti tallo nga aftershocks idiay Luna – 1.6, 2.1, ken 1.5 iti oras alas 11:04 AM, 11:21 AM, ken 11:52 AM, May 24, 2025.
Kabayatanna, iti interview ti Bombo Radyo La Union kenni Adreanne Pagsolingan, agdama a Public Information Officer – OCD Region 1, dagus a naisayangkat ti inspection ken assessment kadagiti kangrunaan nga istruktura idiay ili a Luna, kalpasan ti napigsa a panagdayyeg.
Nupay kasta, awan ti namnamaen a damages iti nasao a gingined.
