Immakop ti nagduduma a reaksyon manipud kadagiti mangmangged ti Siyudad ti San Fernando, La Unionm ti maikadwa a SONA ni Presidente Marcos.
Segun kenni Michael Laudencia maysa a Street Food Vendor, tarigagayna a dakamaten ni Presidente Marcos Jr., no kasatno a pasayaaten ti diag dagiti marigrigat a Pilipino, panaglaka iti bagas, kinaadda ti panggedan nangruna kadagiti nakukurapay ken panagbaba ti presyo dagiti kangrunaan a gagatangen.
Nagpannawagan met isuna ken ni Presidente Marcos Jr., a tulungan dagiti Pamilyang Pilipino a gun-oden dagiti pagkasapulan da.
No man pay kasta, imbatadna a pursigido ti Presidente kadagiti ar-aramidenna.
Ti sabali a bangir, ti pannakiuman ti Bombo Radyo News Team ken ni Cherry Ann Mendigoria, maysa a Canteen Staff, namnamaenna manipud Presidente Marcos Jr., a makaipaay isuna iti ad-adupay a panggedan dagiti Pilipino.
Innayonna pay, makitana na metten dagiti kalsada ket napasayaat na met, ken itultuloy kuma ni Presidente a pababaen na ti inflation ditoy pagilian.
Innayonna a dinakamat a sapay la kuma ta maksayan dagiti babaydan ti panagala dagiti requirements ti panagapply ti trabaho ken maipangato ti minimum wage ditoy Probinsya ti La Union.
Impaayan met dagitoy ti 8 out of 10 a score ni Presidente Marcos bayat iti umuna a tawen a panagtugawna.
