Komprehensibo ken detalyado ti nagbalin a maikadwa a State of the Nation Address ni Presidente Ferdinand Bongbong Marcos Jr.
Ti pannakiuman ti Bombo Radyo LA Union ken ni Atty. Allan Hil Basa Pajimola, Associate Professor V ti Don Mariano Marcos Memorial State University – Mid La Union Campus, Chairman ti Public Administration Department, maysa kadagiti dinakamat ti presidente ket maipapan ti K-12 program ti gobyerno.
Segun kenkuana, kasapulan nga i-maintain ti pagilyan ti nasao a programa gapu ta daytoy ket maibilbilang a universal standard no maipapan ti basic eduction ken no maikkat daytoy kunana, agparikot ti pagilyan ti mobilization dagiti estudyante.
Maipalagip, naen-act ti K-12 program tapno ma-address ti parikot iti internationalizaton ken globalization ti sektor iti edukasyon.
Innayonnapay a saanen a kasapulan nga ikkaten manen daytoy ngem ketdi, i-review dagiti programa a maisursuro kadagiti adda iti elementary nangruna ti kinaadu dagiti subject a maisursuro gapu ta marigatan kunana dagiti ubbing.
Ti sabali a bangir, no maipapan met ti dinakamat ti Presidente a Procurement Law, kasapulan nga i-streamline dagiti procedures ken ikkaten dagiti rigid steps tapno nadardaras ti pannakaileppas daytoy.
Maipalagip, maysa kadagiti mantra ti Presidente ken ti digitalization ti pagilyan isu a nasken a saanen nga aramiden pay a komplikado dagiti proseso tapno daras a maileppas dagiti proyekto ken tapno maliklikan pay ti korapsyon.
Imbatad na pay nga adda tayon iti ICT Era wenno iti maaw-aagan a digitalization, isu a nasken laeng a maipatungpal metten ti e-governance tapno malessen ti human intervention gapu ta “The more human intervention, the more corruption”
