Nauram iti main stage ti Tomorrowland festival idiay Belgium.
Napasamak ti insidente, dua nga aldaw sakbay iti maur-uray a music festival.
Awan iti naipadamag a pimmusay wenno nadangran iti insidente bayat nga agtultuloy latta ti imbestigasyon dagiti otoridad.
Mangrugi kuma iti electronic dance music festival inton aldaw ti Sabado idiay ili ti Boom, Antwerp. Ginasut nga artist iti naimbitaran ken manamnama a dar-ayan daitoy ti aganay 400K a tattao.
Sumagmamano kadagiti nalatak a naimbitaran ket isuda David Guetta, Lost Frequencies, ken dadduma pay.
