LA UNION – Inaresto dagiti otoridad iti maysa a bomb expert a maipagarop a miyembro ti terrorist group a Dawlah Islamiyah.
Iti nasao nga indibidwal ket naaresto dagiti pulis idiay ili ti General Salipada K. Pendatun, Maguindanao del Sur babaen ti police ken naval intelligence.
Segun met kenni Area Police Command-Western Mindanao Chief Maj. Gen. Bernard Banac, ti nasao a suspek ket wanted gaputi naduma-duma a krimen a napasamak idiay Soccsksargen (South Cotabato, Cotabato, Sultan Kudarat, Sarangani ken General Santos).
Isuna iti maipagarop nga adda iti likod dagiti bomb attack kadagiti bus companies idi tawen 2007 ken 2015.
Addaan daytoy ti warrant of arrest gaputi 4 counts of attempted murder nga immuna nga inruar ti korte idi December 2022 idiay North Cotabato.
Tunggal kaso ket narekomendaan ti P120,000 a pyansa.
Saan a naibutaktak iti nagan ti suspek para iti agtultuloy nga imbestigasyon kenkuana.
