Silulukat ti Malacañang a suportaran ti singasing a gakat a panggep iti nataltalged a regulasyon ti panagusar iti internet dagiti agtutubo.
Kasaruno daitoy ti gakat manipud kenni Senador Ping Lacson para ti strikto nga internet access kadagiti menor de edad gapo iti potensyal nga epekto na ti mental health, kas maibasar kadagiti panagadal.
Kabayatanna, segun met kenni Palace Press Officer Claire Castro, aniaman nga addang a pagsyaatan ti publiko, nangruna kadagiti agtutubo, ket ikonsidera ti administrasyon.
Apaman a mapaneknekan a makatulong a talaga iti gakat iti mental well-being dagiti agtutubo, kinuna ni Castro a manamnama iti panangaprobar daitoy manipud kenni Presidente Ferdinand Marcos Junior.
