Impaiman ti Malacañang iti Department of Foreign Affairs (DFA) ti panagsungbat ti kiddaw ni Palestinian Ambassador to the Philippines Mounir Anastas a kumbinsiren ti Pilipinas ti Israel a resolbaren ti krisis idiay Gaza.
Segun kenni Palace Pres Officer Claire Castro, saritaan ti foreign policy ti inkiddaw ti Palestinian Ambassador isu a DFA ti rumbeng a mangsungbat iti daitoy.
Ti Israel ken Palestine ket nabayagen nga agririnnupak idiay Gaza ken West Bank gapo iti panagbalin nga Estado ti Israel babaen ti United Nations Resolution No. 181 ken ita ket napapanaw amin a Palestino nga agnanaed lattan iti bassit a daga sadiay Gaza Strip ken West Bank.
Nupay kasta, suportado met ti Pilipinas iti two-state solution, partikular ti napaot ken komprehensibo nga addang para ti kinakapia idiay Middle East, kas maiyannurot iti UN Charter ken mainaig a UN Security Council resolutions.
Nakipamaysa iti Pilipinas ti intero a lubong para iti panawagan ti coexistence ti Palestine ken Israel, ken ti panagbigbig ti beddeng iti tunggal maysa.
