Kinarit ti Malacañang kadagiti mangpapabasol kenni Presidente Ferdinand Marcos Jr. a konektado iti isyu dagiti maleta ti kwarta, a mangilatag ti ebidensya ken saan a puro alegasyon.
Daitoy ket kasaruno ti testimonya idiay Senado ni Bernard Tube, maysa kadagiti nagpaam-ammo nga Ex-Marine ken sigud a bagman ni Zaldy Co, a nagkuna metlaeng a nakasurot isuna a nangipatulod iti maleta a naglaon ti milyon a gatad ti kwarta iti pagtaengan ti Presidente idiay Paoay, Ilocos Norte.
Segun kenni Palace Press Officer ken Presidential Communications Office Undersecretary Claire Castro, saan nga umdas dagiti alegasyon nu awan iti natibker a pammaneknek. Nalaka laeng kunana ti agpabasol nu ti panggep ket mangdadael ken riribuken iti gobierno.
Inallukoy na dagiti nangiruar iti alegasyon a mangisubmitir ti dokumento ken dadduma pay a konkreto nga ebidensya, ken impaganetget nga aniaman a pammabasol ket nasken a maibasar ti kinapudno ken ebidensya, saan laeng a puro sao.
