Agtalek ti Malacañang nga aramiden ni House Majority Leader Sandro Marcos iti pagrebbenganna a patas ken awan ti panpaniganna, uray pay maikontra kenni Presidente Ferdinand Marcos Jr. nga amana iti naipila nga impeachment complaint.
Segun kenni Palace Press Officer ken Presidential Communications Office Undersecretary Claire Castro, saan a nadakamat no nagsaritan dagiti agama maipapan iti reklamo.
Nupay kasta, nalawag iti kanayun a bilin ti Presidente iti anakna nga aramiden laeng iti trabaho ken suruten iti mandato ti posision.
Impaganetget met ni Castro nga awan ti lugar iti personal a relasion iti panangtungpal ti akem iti Kongreso, isu a kasapulan nga ipatungpal ni Rep. Marcos kas maitunos iti agdama a linteg.###
