Nakaragsakan ti Malacañang ti pammadayaw manipud kenni Lithuanian Defense Minister Dovile Sakaliene mainaig ti documentation ken report ti Pilipinas kadagiti harassments ti China idiay West Philippine Sea (WPS), a maikonsidera kas gold standard.
Segun kenni Palace Press Officer Undersecretary Claire Castro, makitkita dagiti sabali a pagilian nu kasatno a depensaan ti Marcos Administration ti teritoryo ti Pilipinas ken dagiti mangngalap a Pilipino idiay West Philippine Sea.
Segun iti opisyal, mayat a dinggen manipud kadagiti gangganaet ti kastoy a pammadayaw iti gobierno ti pagilian. Ti nasakit a mangngegan kunana ket nu manipud mismo iti pada a Pilipino, nangruna kadagiti public servants nga arig na awan ti aniaman a bibiang da ti teritorio.
Innayon na pay a ti kakaroan ket ti pada a Pilipino a mangkonkondenar kadagiti araramiden ti administrasyon maipapan ti karbengan ti Pilipinas iti rehiyon.
