Agdama a maipaspasidong ti nainget a panangrepaso iti naratipikaran a 2026 General Appropriations Act (GAA) kalpasan a naawat ti Palasio ti Malacañang idi Disiembre 29, 2025.
Segun kenni Executive Secretary Ralph Recto, personal a repasuen ti Presidente ken ti Gabinetena dagiti amin nga alokasion ken probision ti singasing a budget, tapno masigurado iti integridad ken makita dagiti naaramid a panagbalbaliw manipud iti orihinal a National Expenditure Program (NEP).
Impasiguradona nga ikagumaan ti gobierno a maitunos kadagiti amin a pagkasapulan dagiti Pilipino iti 2026 GAA ken saan laeng a sumursurot iti legal ken teknikal a rekisito.
Manamnama a malpas iti panagammiris kalpasan ti nasurok-kumurang maysa a lawas.
Saan met a masinga iti operasion ti gobierno no temporario nga agtignay daytoy babaen ti reenacted budget.
Innayon na pay a nasken iti naannad a panangrepaso tapno mapagtalinaed ti disiplina iti kuarta ken masigurado a dagiti buis ket mausar a nasayaat ken mapagnumaran ti dagiti umili.###
