Impasiguro ti Palasyo ti Malakanyang a natalged ti kasasaad salun-at ni Presidente Ferdinand Marcos Junior.
Sungbat daitoy ni Palace Press Officer Undersecretary Claire Castro iti kangitingitan dagiti espekulasyon mainaig ti salun-at ti Presidente nga agwarwaras iti internet.
Kinunana a pammaneknek iti kasasaad ti Presidente ti inaldaw na a panagdar-ay na kadagiti panagtataripnong iti Malakanyang ken iti ruar ti Palasyo – saan na a maaramid dagitoy nu nakapsot ken saan a napigsa ti pammagbagi na.
Mensahe ni Castro kadagiti fake news peddler a saan nga iyaramidan ti kuwento iti Presidente agsipud ta saan a nasayaat daitoy para iti Pilipinas.
Nu ketdi ket napinpintas pay nu ikararagan lattan dagiti Pilipino ti nasiglat a salun-at iti Presidente tapno maitultuloy na ti epektibo a manangimandar ti pagilian ken liklikan ti galad nga arig na eksperto a doktor iti social media.
