Patpatutokan ni Presidente Ferdinand Marcos Jr. ti kaso dagiti tallo a Pilipino a naakusaran ti panagespiya idiay China.
Kinuna ni Palace Press Officer Claire Castro a binilinen ti Presidente kadagiti maseknan nga ahensya nga ipaayan ti legal assistance ken dadduma pay a maiyannatop a tulong dagitoy.
Kabayatanna, nagkedked metten ti Palasyo nga agkomento nga amangan panangibales laeng daitoy ti China gapo iti naarestar ditoy nga Chinese spies.
Indepensa ni Castro, agtultuloy latta ti imbestigasyon ti Malacanang mainaig ti issue.
Sakbay iti dayta ket nangipeksa ti pakadanagan iti National Security Council iti pannakaarestar dagiti tallo nga Pilipino a kinuna nga ordinaryo nga umili laeng isuda.
Pagduaduaan met ni NSC Assistant Director General Jonathan Malaya ti footage nga impabuya ti Chinese state television mainaig iti panangaklon dagiti tallo nga arig na ‘scripted’ iti panagsao da.
