BR LA UNION – Dagus a kinontra iti Palasyo ti Malakanyang iti nagbalin a banat ni Davao City Mayor Baste Duterte, a nalupoy iti gobyerno kadagiti kriminal rason ti panagraira iti naduma-duma a criminal activities.
Buwelta ni Palace Press Officer Usec Claire Castro a mangipakita ti datos ni Mayor Baste a mangpaneknek iti alegasyonna.
Kinuna ni Castro nga awan ti basaran iti akusasyon ti mayor.
Maibasar iti waragawag ni Mayor Baste, nalupoy iti gobyerno kadagiti kriminal isunga nagraira ti naduma-duma a krimen.
Impaganetget ti opisyal nga idi panawen ti administrasyon ti ama na a nangato dagiti mapaspasamak a krimen ditoy pagilian.
