BR LA UNION – Immandar ni President Ferdinand Marcos Jr. iti nauneg nga imbestigasyon seknan iti maipagarop nga isay-sayangkat nga illegal quarrying operations kadagiti coastal waters ti pagilian.
Maipagarop a dagiti maal-ala a darat ket maus-usar a pangtambak iti sumagmamano a reclamation activities idiay West Philippine Sea (WPS).
Segun kenni Palace Press Officer USec. Claire Castro nakaawat iti Presidente ti impormasyon seknan ti daytoy, banag tapno imandar na iti nauneg nga imbestigasyon.
Tarigagay ti Presidente a maamwan nu adda sungsungbatan ditoy dagiti local government units.
Siniguro ni Castro nga agsungbat dagiti rumbeng nga agsungbat seknan iti maisay-sayangkat nga iligal quarrying.
Maipalagip nga imbutaktak ti NICA iti maysa a panagdengngeg idiay Senado a dagiti darat manipud iti coastal waters ti pagilian ket maus-usar a pangtambak iti reclamation activities.
