BR LA UNION – Nagtaripnong iti umuna a gundaway da Department of Foreign Affairs (DFA) Sec. Enrique Manalo ken counterpart na a ni US Secretary of State Marco Rubio iti sideline ti Munich Security Conference idiay Germany.
Tinalantan dagiti dua nga opisyal iti agtultuloy a bilateral coordination ti Amerika ken Pilipinas, iti panagresponde kadagiti destabilizing actions ti China iti disputed waters ken ti ngumatngato nga economic cooperation iti imprastruktura, critical minerals, information technology ken enerhiya kabilang ti civil nuclear cooperation, segun kenni US State Department spokesperson Tammy Bruce.
Iti panagtaripnong ti dua a foreign secretaries ket makabulan ti napalabas sipud nagsarita dagiti dua iti maysa a phone call idi Enero 22 maipapan iti estado ti defense ken security cooperation kabilang iti suporta para iti defense modernization ti pagilian ken ti sitwasyon iti disputed waters, nga agpada nga addaan ti maritime claims iti Pilipinas ken China.
Immunan nga ingkari ni Rubio iti ironclad commitment ti Amerika iti Pilipinas kalpasan a dinutukan ni US President Donald Trump.
