BR LA UNION – Natay iti maysa a mangngalap idiay Brgy. San Isidro, Agoo, La Union gapu iti maipagarop a panangdanog ti suspek.
Napasamak ti insidente idi Hunyo 11, 2025. Iti biktima ket agtawen ti 46, addaan asawa,ken residente ti nasao a lugar bayat a ti suspek ket nabigbig iti alyas a “LASAK”, 35-anyos, addaan live-in partner, construction worker ken residente ti nasao met laeng a barangay.
Maibasar iti inisyal nga imbestigasyon ti Agoo Police Station, iti biktima ken live-in partner ti suspek ket naaddaan ti argumento wenno saan a pagkinna-awatan.
Bayat ti panagsinnungbat dagiti dua, kellaat a simmangpet ti suspek ken dinanog na iti biktima, nga isuti nakatumbaan ken maipagarop a naipakpak ti ulo ti biktima iti sementado a kalsada.
Maibasar pay iti report, agpada iti suspek ken biktima nga adda iti impluwensiya ti nasanger a mainom.
Dagus a naiturong iti biktima idiay La Union Medical Center idiay Agoo La Union ngem naiyakar iti Ilocos Training Regional Medical Center (ITRMC) ditoy San Fernando City, ngem naidekla a pimmusay bayat a matamtaming.
Kabayatanna, iti suspek ket adda ita iti kustodiya ti Agoo Police Station para iti umno a disposisyon.
