LA UNION – Takderan ni Manila Archbishop Jose Cardinal Advincula a saan a mang-indurso ti siasinuman a kandidato iti 2025 Midterm Elections.
Segun kenni Advincula, welcome latta dagiti kandidato nga agturong iti Archdiocese of Manila ngem saan-to a mangipaay ti endorsement iti uray siasino.
Segun pay iti arsobispo, silulukat a makisinnarak iti siasinuman a kandidato ngem daytoy ket tapno mangipaay laeng ti spiritual guidance.
Nu maalaan man daytoy ti ladawan kadwa iti maysa a kandidato, imbaga ni Advincula a saan a rumbeng nga i-trato kas panang-endorso ti Catholic Church.
Segun pay kenni Advincula, siasinuman a kandidato ket addaan ti karbengan a kumiddaw ti guidance manipud simbaan ken blessing manipud iti arsobispo, a sitatallugod met kunana nga ipaay na.
