Ad-adalen ti Palasio iti singasing a pannakaitantan manen ti Barangay ken Sangguniang Kabataan Elections (BSKE) iti tengnga ti krisis iti ekonomia ken panagngato ti presio ti langis.
Segun kenni Palace Press Officer Claire Castro, silulukat ni Presidente Ferdinand Marcos Jr. kadagiti singasing a makatulong iti pagilian, karaman iti singasing a mabalin a makatipid ti agingga iti ₱16 billion no saan a matuloy iti eleksion.
Adda dagiti sumagmamano a panawagan para iti innem a bulan a postponement ti BSKE a naikeddeng inton Nobiembre 2, ken naisingasing nga itukon laengen iti pondo daytoy tapno mataming iti epekto ti panagngato ti presio ti langis.
Nupay kasta, immunan nga inkeddeng ti Korte Suprema a maikontra iti Konstitusion ti paulit-ulit a panangitantan ti nasao nga nga eleksion.###
