LA UNION – Nagtitinnulong dagiti otoridad manipud naduma-duma a unit ti pulisiya iti panangidaulo ti Bacnotan Police Station babaen iti naisayangkat a drug buy bust operation, tapno makemmeg iti maysa a mannalon a maatap nga adda pakainaigan na iti iligal a droga idiay Barangay Sapilang, Bacnotan, La Union.
Iti nasao nga operasyon, nagballigi dagiti otoridad a nangtiliw iti suspek, managan Jomar Halinaganan, 41-anyos, awanan asawa, residente ti Barangay Casiaman ti nasao met laeng nga ili.
Nakumpiskar kenkuana iti 2 a heat sealed sachet iti maatap a shabu ken P500 buy bust money.
Iti nadakamat a suspek agraman dagiti nakumpiskar kenkuana a droga ken adda itan iti custodiya ti Bacnotan Police para iti pannakaipila ti kaso a panaglabsing iti R.A. 9165.
