LA UNION – Inarestar dagiti kameng ti San Juan Police Station iti maysa a mannalon gaputi reklamo a panag-probokar daytoy iti maysa a karinderya idiay San Juan, La Union.
Nabigbig ti suspek iti nagan nga Eduardo Ordonio, 42, addaan asawa, residente ti Barangay Nagyubuyuban, San Fernando City, La Union.
Base iti report, malaksid a nakainom iti nasanger iti suspek ket nakumpiskaran pay iti cal. 45 a paltpog, idi a nagresponde dagiti otoridad.
Gaputi dayta, sumangsango ti suspek iti kaso a panaglabsing iti Republic Act No.10591.
