LA UNION – Natay iti maysa a 57-anyos a mannalon kalpasan a paltugan ti bukod na nga uliteg gaputi rikkiar iti padanum.
Napasamak ti pammaltog idi bigat kalman iti kataltalunan idiay Sitio Guilong, Brgy. Corro-oy, Santol,La Union.
Iti biktima ket ni Ciriaco Valdez, 57, bayat a ti suspek ket nabigbig iti nagan nga Elpidio Ojascastro, 73-anyos, agpada a mannalon ken residente ti Sitio Pilaoan, Barangay Corro-oy, Santol.
Sakbay ti insidente, iti suspek ken biktima ket maipagarop a nagrikkiar maipapan iti supply ti danum nga aggap-gapo iti irigasyon, agingga a nagbanag iti pammaltog.
Base iti report manipud Santol Police Station, nagsagaba ti sumagmamano a tama ti bala ti paltog, a saan pay nga ammo ti kalibre na, iti biktima.
Immuna a naiturong ti biktima iti Lopez Clinic idiay ili ti Balaoan ken naiyakar idiay Balaoan District Hospital ngem indeklara a dead-on-arrival ti resident on duty a ni Dr. Cecille Faye Giovanetti Perdigon.
Kabayatanna, iti suspek ket adda ita iti custodiya ti Santol Police Station para iti umno a disposisyon.
