Imbutaktak ni Justice Secretary Jesus Crispin Remulla a saan laeng a 34 ti bilang dagiti mapukpukaw a mammallot ditoy pagilian.
Daitoy ti rebelasyon kabayatan ti pannakipatang na iti whistleblower kadagiti ‘missing sabungeros’.
Ti maysa nga ambush interview ket kinuna ni Remulla nga inkanta kenkuana ti whistleblower dagiti sumagmamano a nagan a nangpa-kidnap ken nangpapatay kadagiti biktima. Laksid iti dayta ket nakedked pay ni Remulla nga ipubliko ti pakabigbigan dagiti mapapati a suspek.
Iti agdama ket maisagsaganan ti panagbirok kadagiti mammallot a kinuna ti testigo ket imbelleng da idiay Batangas, partikular sadiay Taal Lake.
Kabayatanna, pinasingkedan met ni Remulla a sakbay pay nga ag-eleksyon ket nakapatang nan iti whistleblower a maysa kadagiti akusado iti krimen.
