Ti Public Satisfaction para iti performance ni Presidente Ferdinand “Bongbong” Marcos Jr. ket simmayaat bassit iti maikadua a kuarter ti tawen, segun iti non-commissioned opinion poll ti Oculum Research and Analytics.
Basar iti survey a naisayangkat manipud Hunio 25 agingga iti Hunio 30, kinuna ti research firm a 50% kadagiti Pilipino ti napnek iti performance ni Marcos kabayatan iti panagserrek daytoy iti maikatlo a tawen iti puestona – nangatngato bassit ti bilang ngem ti 49% a nairekord iti umuna a kuarter ti tawen.
Agarup 22% kadagiti napagsaludsodan ti nagkuna a dida mapnek, nga immadu manipud iti 18% iti umuna a kuarter ti tawen, segun iti surbey.
Kabayatanna, bimmaba ti satisfaction rating ni Bise Presidente Sara Duterte iti 64% iti maikadua a kuarter manipud iti 75% iti umuna a kuarter. Di kumurang a 13% kadagiti respondents ti saan a mapnek iti performance-na.
Ni Senado President Francis “Chiz” Escudero ket nakagun-od ti 48% a pannakapnek a rating ken 9% a saan a pannakapnek iti trabah na, bayat a ni Speaker Martin Romualdez ket nakagun-od ti 34% ken 37% a rating.
