Nagsublin iti panaglakoda dagiti market vendors idiay merkado publiko ditoy syudad ti SanFernando, La Union.
Immuna ditoy, nagpipinnawan dagiti market vendors iti uneg ti palengke kalpasan iti napasamak a napigsa nga ginggined idi kalman.
Iti pannakiuman ti Bombo Radyo La Union kenni Cesar Raputin kenni Marlo Danao, kinunada a saandan nga pinanunot dagiti tagilako da agsipudta immuna nga inpangrunada ti seguridad dagitoy.
Segun met kada Joan Fronda ken Agustina Flores, nagkalma laeng dagitoy kabayatan a marikriknada ti napigsa a ginggined. Kalpasan iti ginggined ket dagusda nga innala dagiti tagilako da ken dagus nga pimmanaw iti uneg ti palengke.
Kabayatan na, nagsubli metten iti normal iti panaglako dagiti market vendors iti uneg ti palengke kalpasan nga pinalubusan isuda ti City Government kalpasan iti insayangkat dagitoy nga inspection.
