LA UNION – Posible a maibalud idiay Palawan wenno Davao Prison and Penal Farm iti convicted on death row a ni Mary Jane Veloso inton makaawid ditoy Pilipinas inton Disyembre ita a tawen.
Segun kenni Bureau of Corrections Director General Gregorio Catapang Jr., pam-panunuten da nu sadino ti pangiturongan da kenni Veloso inton sumangpet ditoy pagilian.
Tallo a pagbaludan manipud Metro Manila, Davao ken Palawan iti pagpil-pilyan ti ahensya.
Mabalin met nga agtalinaed ni Veloso iti minimum security compound ti Correctional Institute for Women (CIW) kadwa na ti 20 a Persons Deprived of Liberty (PDL).
Ipaayan da ti gundaway ni Veloso nga agpili kadagiti nasao a correctional facilities.
Ni Veloso ket makaawat ti training manipud Technical Education and Skills Development Authority (TESDA) tapno makapagtrabaho daytoy iti plantasyon wenno depende iti skills a masuro na.
Kabayatanna, apaman a sumangpet ni Veloso manipud Indonesia ket manamnama nga agtalinaed ti nasurok 2 agingga 4 a lawas iti diagnostics center tapno ipasidong iti full body examination ken maamwan nu addaan ti sakit wenno medical problems.
