Inwaragawag ni Davao City Mayor Sebastian “Baste” Duterte nga isuna ken dagiti dadduma nga opisyales ti ciudad ket awan iti puot na ti mapapati a koneksyon ni Bise Presidente Sara Duterte iti GenCorp Industries Inc.
Kinunana a ti ciudad ti Davao ket simrek kadagiti 19 a kontrata ti GenCorp nga aggatad ti aganay P33.2M.
Am-amin dagitoy ket naproseso ken naipablaak babaen iti PhilGEPS.
Insubmitir met ti GenCorp ti kababaan a bid wenno diaya kadagiti tunggal transaksyon.
Kadagiti 19 a kontrata, 13 dagiti nakumpleto bayat nga innem pay iti saan. Uppat dagiti nangabak babaen ti competitive public bidding, bayat a 15 dagiti nangusar ti small-value procurement.
Maipalagip nga indeklara ni Bise Presidente Sara Duterte iti GenCorp a kas business interest iti Statement of Assets, Liabilities, and Net worth na.
Nupay kasta, dagiti met naipila a General Information Sheet ken Audited Financial Statement ti kompanya iti SEC ket saan a nabigbig isuna kas incorporator wenno director.
Pinasingkedan dagitoy ni SEC official Gerardo Fernando del Rosario kabayatan ti maika-27 nga aldaw ti impeachment trial.
Mainaig kadaitoy ket nakatuding nga agtestigo ni Mayor Baste iti impeachment trial manipud Setyembre 28 agingga 30.
