Inwaragawag ni Mayor Isko Moreno Domagoso a kas baro a Mayor ti Maynila ket panggep na a mangideklara ti state of health emergency.
Mainaig daitoy iti sagsagabaen a problema dagiti residente sadiay gapo iti kinaliway ken issue ti ciudad.
Kinuna ni Manila Mayor Isko a kiddwen na ti City Council a mangideklara ken ipasidong ti intero a ciudad ti state of health emergency para ti umuna a sesyon da.
Manipud iti naangay a press conference idiay Manila City Hall ket imbutaktak ti baro a Mayor a dumanon ti nasurok P900M ti nagbalin nga utang da iti waste management.
Kabayatanna, impasiguro na met a laksid iti utang kadagiti waste management companies ket agtalinaed latta iti panagrikus ken panagkolektar da iti basura idiay Maynila.
