Inarestar ti Criminal Investigation and Detection Group (CIDG) ni South Upi, Maguindanao del Norte Mayor Reynalbert Insular ken iti asawa na kasaruno ti pannakaipaulog ti warrant of arrest kontra kadagiti dua gapo iti nagtutuon a kaso kas iti murder, frustrated murder, ken attempted murder nga inruar ti Cotabato City Regional Trial Court Branch 27.
Segun kenni CIDG chief Major General Nicolas Torre III, naipaulog ti warrant idi Mayo 19, 2025. Mainaig paylaeng daitoy iti panagpatay da idi kenni sigud a South Upi Vice Mayor Roldan Benito ken ti aide na a ni Weng Marcos a natambangan idiay Barangay Pandan idi Agosto 2, napalabas a tawen 2024.
Maysa a special investigation task group ti nabukel tapno adalen iti krimen bayat nga awan met iti nailatang a piyansa para ti temporaryo a pannakawaya-waya dagiti suspek.
