LA UNION – Kinarit ni Mayoralty candidate Jose Maria “Pepe” Ortega ni San Fernando City Mayor Hermenegildo “Dong” Gualberto nga agsangoda iti Bombo Radyo mainaeg iti sangsangwen a kontrobersya ti naud-udi idiay La Union.
Iti pannakiuman ti Bombo Radyo kenni Ortega, kinuna na nga agsangoda ken ni Mayor Gualberto ken ibaga nga awan iti kinapudno a dagiti rumrumuar a damag maipapan kenkuana.
Kasapolan nga agbalin a patas ken pudno ken daytoy iti kayat kuna na a maamuan dagiti umili ti syudad ti San Fernando City kangrunaan na kadakuada nga agkandidato ita a May 13, 2019 midterm election.
Kinuna ni Ortega a ti kaso nga indatag ti Ombudsman kontra kenni mayor Gualberto ket naibasar iti ebidensya dagitoy, COA report ken verified reports nga inimbistigaran dagitoy.
Segun kenni Ortega, maipagarop nga immunan a kinuna ni Mayor Gualberto a fake news ti rimmuar a damag no sadino sabali nga partido iti itudtudo na nga adda iti likod ti kontrobersya.
Maipalagip, nangipaulog ti preventive suspension iti Ombudsman kontra kenni mayor Gualberto mainaeg ti anomalysa iti panangipatungpal na ti rehabilitation iti Phase 1 and 2 ti San Fernando City Plaza.
