Naarestar iti maysa a baro gaputi illegal a droga babaen ti naisayangkat a drug buy-bust operation idi Agusto 21, 2023 idiay Barangay Carlatan, San Fernando, La Union.
Nabigbig ti suspek iti nagan a Crisanto Madrona, 34-anyos, awanan asawa, awanan trabaho ken residente iti nasao a Barangay.
Nakumpiskar kenkuana iti maysa a pidaso ti heat sealed transparent plastic sachet a naglaun ti maipagarup a shabu, mapatta-patta nga agdagsen ti 0.2 gramo ken agbalor ti 1,360.00.
Narekobre pay kenkuana ti dua a pidaso ti heat-sealed transparent plastic sachet a naglaun met laeng ti maipagarup a shabu, agdagsen ti mapatta patta a 0.4 gramo nga agbalor ti 2,070.00.
Karaman pay a narekobre ti maysa a cellular phone nga agmaris ti asul.
Iti suspek ket sumangsango ita ti kaso a panaglabsing ti RA 9165 wenno Comprehensive Dangerous Drug Acts of 2002.
