Naarestar iti maysa a construction worker iti insayangkat dagiti otoridad a drug buy-bust operation iti Barangay Sevilla, San Fernando City, La Union.
Iti suspek ket agtawen ti 30, residente ti Purok 6, ti nasao a barangay ken maibilbilang kas street-level individual (SLI).
Arestado daytoy kalpasan ti maipagarop a panagilakona iti maysa a pakete a naglaon ti maatap a shabu.
Nakumpiskar pay kenkuana ti maysa a bassit a sachet iti maatap a shabu, agdagsen ti agarup .02 gram ket mapatta-patta nga aggatad ti P1,360.00, agraman ti maysa a cellphone ken maysa a genuine One Thousand Peso bill.
Sumangsango ti nasao a construction worker iti kaso a panaglabsing ti Republic Act 9165.
