Maysa nga high-value drug pusher ti inarestar dagiti otoridad sadiay Rosario, La Union babaen ti insayangkat a buy-bust operation dagiti nagbinnulig a kameng ti Philippine Drug Enforcement Agency – La Union Provincial Office (PDEA-LUPO), La Union Police Provincial Office – Provincial Drug Enforcement Unit (LUPPO-PDEU), Rosario Police Station, ken Regional Intelligence Unit – Provincial Intelligence Team (RIU-PIT).
Segun kenni PDEA RO1 Regional Director, Director III Joel Plaza, naarestar ti babai a suspek a ni Maria Bella Rosal Supolmo, 48-anyos, maysa a high-value target drug personality a residente ti Barangay San Nicolas West, Agoo, La Union, agarop alas 3:34PM, Pebrero 10, 2025.
Narekobre kenkuana ti maysa pidaso nga heat-sealed transparent plastic sachet a naglaon ti crystalline substance a mapagduaduaan nga shabu, agdagsen ti nasurok-kumurang maysa gramo ken aggatad ti P6,800, maysa a mobile phone, glass tooter, ken iti buy-bust money.
Mapilaan daitoy ti kaso a panaglabsing ti Section 5 (Sale of Dangerous Drugs), ken Section 12 (Possession of Drug Paraphernalia), Article II iti Republic Act 9165 wenno Comprehensive Dangerous Dugs Act of 2002.
Iti agdama ket nakadetenen iti suspek sadiay PDEA ROI jail facility, Camp Diego Silang, Carlatan, City of San Fernando City, La Union. ##
