LA UNION – Maysa a Pilipino iti nabitay idiay Saudi Arabia idi Sabado, Oktubre 5, gaputi kaso a pammapatay.
Kinumpirma daytoy ni Foreign Affairs Undersecretary for Migration Eduardo Jose de Vega ita nga aldaw ti Martes ngem awan pay kunana ti opisyal a notification nga indanon ti gobyerno ti Saudi.
Segun kenni de Vega, impaay ti gobyerno iti amin a tulong tapno depensaan ken isalbar ti nasao a Pinoy manipud iti dusa a bitay, ngem nagbaln a nadagsen iti ebidensya kontra kenkuana.
Saan a ninaganan ti ahensiya iti pakabigbigan ti nasao a Pilipino, kas kiddaw ti pamilyana.
Kabayatanna, imbaga met ni Philippine Embassy in Riyadh Chargé d’affaires Rommel Romato, a naisayangkat ti panang-bitay ti nasao a kumbiktado a pinoy, a saan a naipaka-ammo iti embahada ken maseknan a pamilya “in accordance with local procedures”.
Nabitay ti Pinoy gapu iti panangpapatay iti maysa a Saudi national gaputi panagrikkiar da maipapan ti kuwarta.
