Nagsagaba iti pannakadun-dunor iti maysa a tricycle driver kalpasan a naaksidente wenno nadungpar iti man-manehuen na a behikulo babaen iti maysa a van, bayat nga agpada nga agturturong dagitoy iti amianan a direksiyon.
Napasamak ti aksidente iti Mc Arthur Highway, a sakop ti Barangay Consolacion, Agoo, La Union.
Nabigbig iti biktima iti nagan a Ronaldo Aspillaga, residente ti San Agustin East,Agoo.
Iti met van ket minaneho iti managan Gabriel Bacungan, 40, baro, residente ti Barangay San Marcos ti nasao met laeng nga ili.
Naiturong ti biktima idiay La Union Medical Center for medical treatment ket adda metten daytoy iti natalged a kasasaad.
